Коррупцияга қарши муросасиз муносабат — самарали бошқарув мезони

👍 Бугун Янгиҳаёт тумани ҳокимлигида Тошкент шаҳар ҳокимининг комплаенс ва коррупцияга қарши ички назорат бўйича ўринбосари, Тошкент шаҳар ҳокимлиги коррупцияга қарши ички назорат бўлими бошлиғи ҳамда Янгиҳаёт тумани ҳокими иштирокида туман ҳокимлиги, тегишли бошқарма ва ташкилотларнинг раҳбар ва ходимлари, шунингдек, «маҳалла еттилиги» вакиллари билан очиқ мулоқот ўтказилди.

👍 Учрашувда комплаенс ва коррупцияга қарши ички назорат тизимининг асосий вазифалари, фаолият йўналишлари ҳамда ходимларнинг мазкур жараёнлардаги шахсий масъулияти юзасидан батафсил тушунтиришлар берилди.

👍 Шунингдек, мулоқотда давлат хизматида коррупциянинг олдини олиш, манфаатлар тўқнашувига йўл қўймаслик, фаолиятда очиқлик ва шаффофликни таъминлаш ҳамда хизмат вазифаларини бажаришда қонунийлик ва одоб-ахлоқ меъёрларига амал қилиш масалаларига эътибор қаратildi.

👍 Очиқ мулоқот давомида ҳар бир ходим ўз хизмат вазифаларини ҳалол ва виждонан бажариши, қарорлар қабул қилишда холислик ва қонунийлик тамойилларига амал қилиши, шунингдек, коррупциявий ҳолатларга сабаб бўлиши мумкин бўлган манфаатлар тўқнашувига йўл қўймаслиги муҳимлиги таъкидланди.