«Хавфсиз ва соғлом юрт» тадбири доирасида тарғибот ишлари олиб борилмоқда

📌 Хабарингиз бор, айни кунларда Тошкент шаҳри миқёсида «Хавфсиз ва соғлом юрт» кенг қамровли тезкор-профилактик тадбирининг иккинчи босқичи ўтказилмоқда.

▶️ Мазкур тадбир доирасида бугун Янгиҳаёт тумани ИИО ФМБ Миграция ва персоналлаштириш бўлими ходимлари ҳамда Халқ депутатлари Янгиҳаёт тумани Кенгаши депутатлари иштирокида туман ҳудудидаги қурилиш объектларида тарғибот-ташвиқот ишлари олиб борилди.

👍 Тадбир давомида қурилиш объектларида меҳнат қилаётган фуқароларга Ўзбекистон Республикаси Президентининг 2025-йил 3-январдаги ПҚ-1 ва ПҚ-2-сон қарорларининг мазмун-моҳияти, шунингдек, Ўзбекистон Республикасининг ЎРҚ-1074-сон Қонуни талаблари юзасидан тушунтиришлар берилди. Хусусан, яшаш жойи бўйича рўйхатдан ўтиш тартиби ҳамда миграция қонунчилигига риоя этиш бўйича тавсиялар берилди.