Тошкентда Қозоғистон делегацияси билан аҳоли бандлиги ва даромадларини ошириш масалалари муҳокама қилинди

Тошкент шаҳар ҳокимининг ўринбосари Дурдона Раҳимова Қозоғистон Республикаси Миллий иқтисодиёт вице-вазири Бауржан Омарбеков бошчилигидаги делегация билан учрашди.

📈Учрашув давомида аҳоли бандлигини таъминлаш, даромадларни ошириш ва камбағалликни қисқартириш бўйича Тошкент шаҳрида амалга оширилаётган ишлар муҳокама қилинди.

↗️Хусусан, маҳалла даражасида аҳоли муаммоларини ҳал этиш, фуқароларнинг бандлигини таъминлаш, тадбиркорлик ташаббусларини қўллаб-қувватлаш, имтиёзли молиялаштириш механизмларидан фойдаланиш ҳамда маҳаллаларнинг ижтимоий-иқтисодий ривожланишдаги ролини кучайтириш бўйича тажриба алмашилди.

▫️Қозоғистон делегацияси вакилларига Тошкентда маҳалла тизими орқали аҳоли билан манзилли ишлаш, янги иш ўринларини яратиш, оилаларнинг даромад манбаларини кенгайтириш ва кичик бизнесни ривожлантириш борасидаги ёндашувлар ҳақида маълумот берилди.

✔️Мулоқот якунида томонлар аҳоли фаровонлигини ошириш, бандлик ва тадбиркорликни ривожлантириш йўналишларида тажриба алмашишни давом эттиришга қизиқиш билдирдилар.