Фуқароларнинг мурожаатлари юзасидан шахсий қабул ўтказилди

Тошкент шаҳар ҳокими ўринбосари Шахноза Султонова томонидан пойтахт аҳолиси учун навбатдаги шахсий қабул ўтказилди.

▫️Қабул давомида алимент ундириш, бандликни таъминлаш, касб-ҳунарга ўқитиш, шунингдек, уй-жой олишда назарда тутилган имтиёзлардан фойдаланиш билан боғлиқ мурожаатлар кўриб чиқилди.

✔️Ҳар бир мурожаат юзасидан тегишли ташкилот ва идоралар вакиллари иштирокида фуқароларга зарур ҳуқуқий тушунтиришлар берилди. Қўшимча ўрганиш талаб этадиган масалалар бўйича масъулларга тегишли топшириқлар берилиб, уларни ҳал этиш чоралари белгиланди.

Фуқаролар қабули Ўзбекистон Республикаси Президентининг Тошкент шаҳридаги Халқ қабулхонасида ташкил этилди.