Ёш сиёсатчилар марафони: ғоядан қарорга

15-октябр куни Ўзбекистон Республикаси Президенти ҳузуридаги Давлат сиёсати ва бошқаруви академиясида «Ғоя бер, фикр билдир, келажакни биргаликда ярат!» шиори остида Ёш сиёсатчилар марафони бўлиб ўтди. Унда Тошкент шаҳар ҳокимининг ўринбосари Дурдона Раҳимова ҳам иштирок этди.

Тадбирни Олий Мажлис Қонунчилик палатаси ҳузуридаги Ёшлар парламенти Конрад Аденауэр жамғармасининг Марказий Осиё бўйича ваколатхонаси, Европа Иттифоқи, «Юксалиш» ҳаракати ва Академия билан ҳамкорликда ташкил этди.

Марафонда ёшлар лидерлиги, рақамли сиёсат, инсон капитали ва иқтисодий имкониятлар, яшил тараққиёт каби йўналишлар муҳокама қилинди. Иштирокчилар долзарб муаммолар юзасидан амалий таклиф ва ташаббусларни ишлаб чиқдилар.