Oʼzbekiston Respublikasi Prezidentining 2020 yil 29 may kuni Sergeli tumaniga tashrifida, Toshkent viloyati Zangiota, Quyichirchiq, Yangiyoʼl va Oʼrtachirchiq tumanlarining, Toshkent shahri Sergeli va Bektemir tumanlarining, shuningdek, Toshkent viloyati va Toshkent shahrining chegaralarini oʼzgartirish hamda Toshkent shahri tarkibida Yangihayot tumanini tashkil etilishi tashabbusi Davlat rahbari tomonidan ilgari surilgan. Yangihayot tumani hududi 4 419,6 gektarni tashkil etadi. Yangihayot tumani hududida 30 ta mahalla fuqarolari yigʼini 22 ta maktabgacha taʼlim muassasasi, 17 ta umumtaʼlim maktabi, 2 ta kasb-hunar kolleji, 7 ta tibbiyot muassasasi va 2 ta madaniyat markazi obʼektlari mavjud.