Oʻzbekiston Davlat sanʼat muzeyi 1918-yilda Xalq universiteti muzeyi sifatida tashkil etilgan. 1935-yilgacha u Toshkentdagi knyaz Romanov saroyida joylashgan edi. 1935–1966-yillarda Xalq uyi binosida, zilziladan keyin esa hozirgi Toshkent fotosurat uyi joylashgan binoda faoliyat yuritgan.

1974-yilda buzib tashlangan Xalq uyi oʻrnida yosh meʼmorlar I. A. Abdulov, A. K. Nikiforov va S. A. Rozenblyum muzey uchun yangi gʻayrioddiy bino qurishdi — ulkan koʻk rangli kub. Kubning yuzlari alyuminiy kvadratlar va ichkariga yumshoq tarqoq yorugʻlik oʻtkazuvchi «stivit» shisha tolali material bilan bezatilgan.

Kirish portali, pastki qavat va ichki atrium kulrang marmar bilan qoplangan.

Dastlab bino gʻayrioddiy tuyulgan boʻlsa-da, keyinchalik toshkentliklar koʻnikib, uni sevib qolishdi — hozir Amir Temur va Shahrisabz koʻchalari kesishmasini bu muzeysiz tasavvur qilib boʻlmaydi.

Mustaqillik yillarida rekonstruksiya oʻtkazildi: binoning yuqori qismida ustunlar va arkalar paydo boʻldi, natijada dastlabki brutal koʻrinish yoʻqoldi.

2024-yilda muzey binosi Oʻzbekiston madaniy meros obʼyektlari roʻyxatiga kiritildi.

Hozirgi vaqtda (2025) muzey rekonstruksiya uchun yopiq.