Bu Toshkentdagi birinchi (yoki eng birinchilardan biri) toʻqqiz qavatli bino edi. Oʻz vaqtida u hayrat uygʻotgan, shaharliklar qiziqish bilan uni tomosha qilishgan. Uy 1966-yil avgustda topshirilgan va koʻplab toshkentliklar zilziladan keyin bino qanday tik turganini koʻrish uchun kelishgan.

Bino oʻzi noodatiy edi: meʼmorlar G. Aleksandrovich va S. Berkovich birinchi marta 48 xonadonli bir seksiyali minora loyihalashtirib qurishgan. Uy lift, chiqindi oʻtkazgich va havo isitish tizimi bilan jihozlangan boʻlib, u konditsionerlash tizimi bilan birlashtirilgan edi.

Kvartiralar tashqariga katta ochiq lodjiyalar bilan chiqarilgan, ammo hozir deyarli hammasi tartibsiz oynalangan va konditsionerlar bilan osib qoʻyilgan, bu uyga rang-barang, bir xil boʻlmagan koʻrinish beradi.

Birinchi qavatda uzoq yillar Markaziy aviachipta kassalari joylashgan edi. Ular sobiq «Rossiya» mehmonxonasi bilan birga Sapyor maydonining asosiy yoʻnalish belgisi boʻlib xizmat qilgan.