MILLATLARARO VA KONFESSIYALARARO TOTUVLIK — TARAQQIYOTNING MUHIM OMILI

Toshkent shahar hokimligi vakillari ishtirokida O‘zbekiston Respublikasida millatlararo va konfessiyalararo totuvlik, do‘stlik hamda o‘zaro hurmat muhitini keng targ‘ib etishga qaratilgan media-rejaning poytaxtdagi ijrosini ta’minlash masalalariga bag‘ishlangan yig‘ilish bo‘lib o‘tdi.

✔️Yig‘ilish davomida yurtimizda turli millat va konfessiya vakillari o‘rtasidagi hamjihatlikni yanada mustahkamlash, jamiyatda o‘zaro hurmat, bag‘rikenglik va totuvlik muhitini rivojlantirish borasida amalga oshirilayotgan ishlarni aholiga keng va tizimli yetkazish masalalari muhokama qilindi.

📈Shuningdek, sohada erishilayotgan ijobiy natijalar va namunali tashabbuslarni ommaviy axborot vositalari, rasmiy veb-saytlar hamda ijtimoiy tarmoqlarda muntazam yoritib borish, mazmunli va ta’sirchan media materiallar tayyorlash, shuningdek, mas’ul tashkilotlar o‘rtasidagi hamkorlikni kuchaytirish bo‘yicha aniq vazifalar belgilab olindi.