Fuqarolar mulki va aholi manfaatlari Toshkent shahar hokimligi uchun doimo ustuvor ahamiyatga ega

▫️Mirzo Ulug‘bek tumanidagi mahallalardan birida deraza panjaralarini demontaj qilish ishlari to‘xtatildi. Vaziyat poytaxt hokimligi nazoratida: sodir bo‘lgan holat sabablari hamda mazkur qarorga mas’ul shaxslar aniqlanmoqda, xatti-harakatlarga mansab vakolatini suiiste’mol qilish va o‘zboshimchalik alomatlari bo‘yicha huquqiy baho berilmoqda. Tekshiruv natijalariga ko‘ra, Mirzo Ulug‘bek tumani hokimligi tomonidan tegishli choralar ko‘riladi, shuningdek, bunday holatlar takrorlanmasligi uchun zarur amaliy qadamlar belgilanadi.

✔️Aholining qulayligi, xavfsizligi va huquqlari — Toshkent shahar hokimligi faoliyatining ustuvor yo‘nalishidir. Odamlar xavfsizligi va ularning mol-mulkiga daxldor qarorlar fuqarolar manfaatlari qat’iy inobatga olingan holda qabul qilinishi shart. Toshkent shahar hokimligi bunday noqonuniy harakatlarga mutlaqo qarshi bo‘lib, ularning tashabbuskori emas.

Holatga befarq bo'lmagan yurtdoshlarimiz va OAV vakillariga faol fuqarolik pozitsiyalari uchun minnatdorlik bildiramiz.